كل محطة علّمتني حاجة… وكلها بقت في خدمتك
- ١٨ سنة
القطاع البنكي
اتعلمت فيه الانضباط والأرقام، وإزاي أفهم العميل من أول كلمة، وأتفاوض من غير ما أخسره.
- +١٣ سنة
الزراعة وتصنيع الأعلاف
بنيت شغل من الصفر: إنتاج، وتشغيل، وعملاء، ومكسب وخسارة حقيقية. وهنا اتعلمت إن النظام أهم من المجهود.
- تجارة وصناعة
التجارة وصناعة الملابس
بيع وشرا ومصنع وتجّار. اتعلمت إن المنتج بيتعمل عشان يتباع ويفيد اللي هيشتريه، مش عشان يعجبني أنا.
- مع الناس
الحجامة والعلاج الطبيعي، والإرشاد النفسي واللايف كوتشينج
قعدت قدام ناس جاية بوجعها، في جلسات علاج وإرشاد وكوتشينج. اتعلمت أسمع الأول، وإن الثقة بتتبني قبل أي نصيحة.
- مع المدرّبين
صناعة المحتوى والظهور
ساعدت مدرّبين يتغلبوا على رهبة الكلام، ويقفوا قدام الكاميرا والجمهور بثقة، وكتبت معاهم محتواهم.
- آخر ٥ سنين
حاجة واحدة بس
طوّعت كل المهارات دي في هدف واحد: مساعدة أصحاب الخبرة. جرّبت الطريق على نفسي الأول، وكتبت ٥ كتب، وأسست وأدرت مؤتمر «خبرتك ثروتك» برعاية أكاديمية مصرية، وحضره أخصائيين ومعالجين نفسيين وكوتشز. ومن هنا اتولدت كورسيتا.
ليه ده يهمّك؟
لأن اللي هقولهولك مش من كتاب. التسويق جرّبته وأنا ببيع، والتفاوض في البنك، والكتابة في ٥ كتب، والوقوف قدام الجمهور في مؤتمر أنا اللي نظّمته. ومش هوعدك بنتيجة مضمونة: هوريك الطريق اللي مشيته، وأمشي معاك فيه خطوة بخطوة.
من مؤتمر «خبرتك ثروتك»
مؤتمر أسسته وأدرته برعاية أكاديمية مصرية، وحضره أخصائيين ومعالجين نفسيين وكوتشز.
مهارات بشتغل بيها
كتبي
خبرتك ثروتكاقرا أول صفحاته ببلاش على مكتبة كورسيتا